HATAW! D'yaryo ng Bayan hatawtabloid.com
PUSH NA’YAN
ni Ambet Nabus
PINAG-UUSAPAN ang viral video ni Albie Casino habang nagse-serenade sa mga contestant ng Mutya ng Cotabato.
May mga nagsasabi kasing mukhang naka-inom o lasing ang hunk actor, habang may ilan namang nagsasabing baka umano lango ito sa kung anong substance.
Makikita kasi sa naturang video ang tila sobrang aktibo at in character na pagkanta ni Albie na may patakbo-takbo pa at akyat-panaog sa stage habang kinakantahan ang mga magagandang kandidata.
Marami naman ang nagtanggol sa aktor na ganoon daw ito kapag mataas ang energy o di kaya’y nasobrahan sa matatamis na pagkain.
May kondisyon daw kasi itong ADHD, kaya malamang at natural itong naging hyper sa kanyang performance.
Kami naman ay kyut na kyut sa ginawa ni Albie dahil kahit non-singer siyang talaga ay sinikap niyang maitawid ang bonggang entertainment sa beauty pageant.
Hindi rin naman namin nakita o napansing may kakaiba rito dahil sa tagal na rin naming napapanood at nakakasalamuha si Albie na talagang naturalesa ang maging bungisngis, masayahin and yes, hyper active.
