Jake lagare sa trabaho hanggang Amerika

PUSH NA’YAN
ni Ambet Nabus

SA gitna nga ng mga mahihirap na action scenes na laging ginagawa ni Jake Cuenca sa The Iron Heart, may time pa rin ito para pagbigyan ang mga imbitasyon for shows.

Lumagare nga si Jake sa USA kamakailan (last week of July) dahil sa imbitasyon ng ilang Filipino communities sa  Florida.

Nagkaroon ng tinatawag na Fiesta Mo sa USA event sa naturang state na may showcase ng mga programs/events para sa Sama Saya, Pageant for a Cause, Fil-Am Food Vendors and Exhibitors, at kahit Kid Zone, na na-enjoy ni Jake.

“It was a fun-filled meet and greet with our kababayans there. Madalian nga at wala talagang time mamasyal. Talagang kung ano lang ‘yung purpose pagpunta roon, ‘yun lang ang ginawa,” kuwento ni Jake.

Then pagbalik niya sa bansa early this August, back to his regular commitments ang mahusay na aktor. Mula sa mga commitment niya sa TV5’s Jack and Jill sa Manila, ay lumilipad sa Iloilo province ang guwapong aktor para naman sa top-rating action-series na The Iron Heart.

“Where do you get the energy?,” tanong namin sa magaling na aktor sa isang set visit kamakailan.

“I don’t really know. Maybe from the inspiration I got from doing various things and yes, cliche it may sound, from the people who appreciate and understand my work doon siguro,” sagot ni Jake.

Mahal na mahal ni Jake ang mga trabahong ibinibigay sa kanya. Sa punto nga kasi ng kanyang career, wala na siyang mahihiling pa kundi ang subukan ang mga role at trabahong nagiging sentro ngayon ng pagiging committed artist niya.

Uy, nag-viral din pala kamakailan ang bonggang regalo niyang bagong sasakyan sa kanyang nanay ha.

Long overdue ‘gift’ na nga ‘yun na galing sa mga pinagtrabahuhan niya sabi pa ni Jake na very soon ay umaasang pipirma ng bagong artist contract sa Star Magic.

Good luck and congratulations Jake!