HATAW! D'yaryo ng Bayan hatawtabloid.com
MA at PA
ni Rommel Placente
SA interview ni Ricci Rivero sa Fast Talk With Boy Abunda kamakailan, nilinaw niya na hindi niya babae ang nakita ng ex niyang si Andrea Brillantes sa condo unit niya, na nai-video ng young actress at nagpakalat ng video.
Isinama lang daw iyon ng kaibigan niya na nagpunta sa condo niya. Naghinala lang daw si Andrea.
Kinontra ni Andrea ang pahayag na ito ni Ricci.
Pero iba naman ang ikinuwento ng disc jockey na si DJ Jhai Ho ukol sa panig ni Andrea.
Sa online show kasi nina Jhai Ho, sinabi niya na nag-text siya kay Andrea. Tinanong niya ito kung totoo ba ang mga naging pahayag ni Ricci sa interview ni Boy?
Binasa ni Jhai Ho ang naging sagot sa kanya ni Andrea. Reply sa kanya ng aktres, “LOL. Nakalimutan niya atang sabihin na hubad kong nadatnan ‘yung girl.”
“Hubad sa kwarto niya.
“Tulog siya, ‘di raw nila alam ang nanyari. Lasing sila.
“Hindi niya [Ricci] minention. Marami pa siyang hindi minention.”
Ano kaya ang masasabi ni Ricci sa pambibisto sa kanya ni Andrea, na hubad nitong naabutan ‘yung girl sa kanyang kwarto?
Sumagot pa kaya si Ricci? O mananatiling tikom na lang ang bibig sa rebelasyon na ito ni Andrea?
Naku, siguradong makatatanggap na naman ng pamba-bash si Ricci lalo na sa mga tagahanga ni Andrea.
