HATAW! D'yaryo ng Bayan hatawtabloid.com
Nasamsam ng mga awtoridad ang mga baril, bala at granada sa ipinatupad na search warrant sa bahay ng isang opisyal ng barangay sa Guimba, Nueva Ecija.
Sa ulat mula kay PRO3 Regional Director PBGeneral Jose S Hidalgo Jr. ang magkasanib na mga operatiba ng Regional Special Operations Group 3, RMFB3 at Guimba MPS na pinamunuan ni PLTColonel Jay C Dimaandal, AFC, RMFB3/C, RSOG3 ang nagpatupad ng Search Warrant no. 22-2023-OEJ para sa paglabag sa R.A. 10591 (Comprehensive Law on Firearms and Ammunition)..
Ito ay inisyu ni Judge Frazierwin Villaflor Viterbo, Executive Judge, Regional Trial Court, Third Judicial Region, Branch 33, Guimba, Nueva Ecija, laban kay Gil Gamis y Romin, kasalukuyang barangay chairman ng Brgy. San Miguel, Guimba, Nueva Ecija.
Ang operasyon ay nagresulta sa pagkaaresto ng nabanggit na barangay chairman at pagkakumpiska ng isang M16 rifle, isang Carbine, isang rifle grenade, maraming bala, magazine assemblies at flare gun.
Ang paghalughog sa kanyang bahay ay isinangawa in an orderly manner sa presensiya ng iba pang lokal na opisyal. (MICKA BAUTISTA)
