Thursday , May 23 2024
Sabong manok

3 sabungero timbog sa tupada

HINDI na nagawang makatakas ng tatlong indibiduwal nang dakpin matapos mahuli sa aktong nagsasabong sa tupadahan sa Brgy. Sta. Cruz, bayan ng Sta. Maria, lalawigan ng Bulacan, nitong Linggo ng umaga, 28 Abril.

Sa ulat mula kay P/Col. Relly Arnedo, provincial director ng Bulacan PPO, ipinadala kay PRO3 Director B/Gen. Jose Hidalgo, Jr., kinilala ang mga nadakip na suspek na sina Giovane Montesa, 49 anyos; Virgilio Ignacio, 41 anyos; at Jim Boy Galupo, 22 anyos, kapwa mga residente sa Brgy. Manggahan, sa nabanggit na bayan.

Sa imbestigasyon, dakong 10:30 am, nakatanggap ng isang tawag sa telepono ang Sta. Maria MPS mula sa isang concerned citizen at iniulat na may nagaganap na tupada sa housing project sa nabanggit na barangay.

Nang matanggap ang impormasyon, agad nagtungo ang mga elemento ng Sta. Maria MPS sa lugar upang kompirmahin ang ulat.

Nang maramdaman ng halos 30 kalalakihan ang presensiya ng mga nagrespondeng tauhan ng Sta. Maria MPS, nagpulasan ng takbo patungo sa iba’t ibang direksiyon upang makaiwas sa pag-aresto.

Hindi na nakatakas ang tatlong suspek na nakompiskahan ng isang buhay na manok na panabong, isang patay na manok na panabong, isang pirasong tari na may berdeng lagayan at perang taya na nagkakahalaga ng P2,200 sa iba’t ibang denominasyon.

Isinailalim ang mga nakuhang piraso ng ebidensiya sa kustodiya ng Sta. Maria MPS para sa kaukulang disposisyon habang inihahanda na ang reklamong paglabag sa PD 449 Illegal Cockfighting (Tupada) laban sa mga naarestong suspek na isasampa sa Office of Provincial Prosecutor, sa lungsod ng Malolos. (MICKA BAUTISTA)

About Micka Bautista

Check Also

CAAP RP-C6923 Cessna plane

CAAP nakatutuok, sa sumadsad na Cessna plane

PATULOY ang isinasagawang imbestigasyon ng Aircraft Accident and Inquiry Investigation Board (AAIIB) sa nangyaring pagsadsad …

arrest prison

Ex-convict nangholdap, nanakit ng estudyante

BALIK-HOYO ang isang lalaking ex-convict na sinabing notoryus na holdaper matapos biktimahin at saktan ang …

cal 38 revolver gun

2 kelot hoyo sa boga nang masita sa yosi

KAPWA bagsak sa kulungan ang dalawang lalaki matapos mabisto ang dalang baril makaraang masita ng …

Inasunto ng SSS
4 EMPLOYERS BUKING SA P15-M UNPAID WORKERS’ CONTRIBUTIONS

BUNGA ng patuloy na pagpapatupad ng Social Security System (SSS) sa kampanyang Run After Contribution …

shabu drug arrest

Bebot, 1 pa arestado sa P340k shabu sa QC

SA PATULOY na pagpapatupad ng Quezon City Police District (QCPD) sa programa ng Department of …