Wednesday , July 24 2024
CJ Gesmundo Daniel Fernando Bulacan Independence
SA IKA-125 Anibersaryo ng Proklamasyon ng Kalayaan ng Filipinas, dumalo si Supreme Court Chief Justice Alexander Gesmundo, bilang Panauhing Pandangal sa Pook Pangkasaysayang Simbahan ng Barasoain sa lungsod ng Malolos, lalawigan ng Bulacan, nitong Lunes, 12 Hunyo. Ang tema ng okasyon ay “Kalayaan. Kinabukasan. Kasaysayan.” (MICKA BAUTISTA)

Kalayaang minana pangalagaan, pagyamanin – CJ Gesmundo

“BILANG mga Filipino, may tungkulin tayo na pangalagaan at pagyamanin ang kalayaang minana natin. Lahat tayo ay tinatawag na pagsikapang maisakatuparan ang mga pangarap ng bumubuhay sa pagnanais nating lumaya.”

Ito ang mensahe ni Punong Mahistrado ng Korte Suprema Alexander Gesmundo sa ginanap na Ika-125 Anibersaryo ng Proklamasyon ng Kalayaan ng Filipinas sa bakuran ng Simbahan ng Barasoain, sa lungsod ng Malolos, lalawigan ng Bulacan, nitong Lunes ng umaga, 12 Hunyo.

Sinabi ng Punong Mahistrado, lahat ay may karugtong na responsibilidad na dapat pasanin kasama ang mga karapatan at kalayaang tinatamasa nila.

“Tungkulin nating bantayan hindi lamang ang ating kalayaan at kapakanan kundi pati ng kapwa natin, ng bawat isa sa atin, at hindi lang para sa kapwa nating nabubuhay ngayon kundi para sa mga susunod na henerasyon,” ani Chief Justice Gesmundo.

Gayondin, naniniwala si Gob. Daniel Fernando na tungkulin ng mga tao na gamitin ang biyaya ng kalayaan upang tulungan ang ibang tao at bigyan sila ng kakayahan na kontrolin ang isang bagong rebolusyon sa kanilang buhay, hanapbuhay, at hinaharap.

“Tayo ay tinatawagan na mag-ambag ng kakayahan at lakas upang palayain ang ating bayan sa patuloy na pagkaalipin, kawalan ng oportunidad sa buhay, kakulangan ng proteksiyon sa lipunan, at mga banta ng kalamidad at karahasan,” anang Gobernador.

Dumalo rin sa programa sina Bise Gob. Alexis Castro, ilang mga kinatawan ng Kongreso, mga bokal, at ilang mga punong bayan at lungsod at mga pangalawang punong bayan at lungsod sa lalawigan.

Ang Ika-125 Anibersaryo ng Proklamasyon ng Kalayaan ng Filipinas ay may temang “Kalayaan. Kinabukasan. Kasaysayan.”

Ipinagpatuloy ang programa sa kabila ng ulan sa pagtutulungan ng pamahalaang panlalawigan ng Bulacan, Pambansang Komisyong Pangkasaysayan ng Pilipinas, at pamahalaang panlungsod ng Malolos. (MICKA BAUTISTA)

About Micka Bautista

Check Also

Bong Revilla Jr Denver Chua Jolo Revilla Cavite

200 + pamilyang biktima ng sunog sa Cavite City dinalaw ni Senator Bong

DINALAW ni Senator Ramon “Bong”Revilla, Jr., ang mahigit sa 200 pamilyang nasunugan sa Brgy. 5 …

Marian Rivera Kath Melendez Nekocee

Kath Melendez ng Nekocee na-starstruck kay Marian

SHOWBIZ KONEKni Maricris Valdez Nicasio MALAKING challenge para sa production ng Cinemalaya movie ni Marian Rivera, ang Balota kung paano siya …

Carina ulan baha

Klase suspendido sa Metro Manila at Cavite Province

SUSPENDIDO ang klase sa ilang paaralan sa Metro Manila at lalawigan ng Cavite dahil sa …

072324 Hataw Frontpage

POGO ‘TODAS’ KAY BONGBONG

“EFFECTIVE today all POGOs are banned.”                Inihayag ito ni Pangulong Ferdinand R. Marcos, Jr., …

Cruise Visa Waiver DOT DOJ Immigration

PH target maging tourist hub of Asia  
CRUISE VISA WAIVER INILUNSAD NG BI DOT, DOJ NAKIISA

PARA higit na palakasin ang turismo sa bansa, inilunsad ng Bureau of Immigration (BI) ang …