Pia Moran handang magpakita ng boobs sa pagbabalik pelikula

MA at PA
ni Rommel Placente

BALIK-PELIKULA si Pia Moran. Isa siya sa cast ng  Lola Magdalena. Gaganap siya rito bilang si Luningning, na dating ago-go dancer, na nahumaling sa 28-anyos na si Carlo San Juan, sa papel na Daks.

Sabi ng tinaguriang Miss Body Language noong 80’s, gusto niya ang istorya ng Lola Magdalena kaya tinanggap niya ito.

Si Direk Joel Lamangan ang direktor ng pelikula. Siya mismo ang peronal na pumili kay Pia para mapasama.

Sa tanong kay Pia kung payag ba siyang maghubad sa pelikula at kung keri ba niya ang mag-breast exposure, ang sagot niya, “Why not? Breast lang pala, eh!”

Samantala, aminado si Pia na kasalanan niya ang pagkalat noong 1990 ng VHS (Video Home System) tape na nakikipagtalik siya sa boyfriend niya.

Pumayag kasi siyang i-videotape ang kanilang pagniniig.

Sabi ni Pia na natatawa, “Ang tanga-tanga, ‘di ba?! Ha! Ha! Ha! Ha!

“Eh, anong magagawa ko, nangyari na. Naano ako roon pero nalampasan ko. Eh anong magagawa ko, nangyari na, ‘di ba?”

Kaya naman kumalat ang sex video ni Pia, dahil noong nag-rent siya ng VHS, akala niya ay ‘yun ang ibinalik niya. ‘Yun pala ang nadala niya ay ‘yung VHS na ang laman ay ang pagsi-sex nila ng dating boyfriend. 

“Hindi ko ine-expect na ganoon ang mangyayari. Katangahan! Aray ko! Ha! Ha! Ha! Ha! Ha! dDi ba, nakakaloka?!”