Manny Pacquiao nagpa-house tour sa cast ng Running Man; Mga Koreano nalula sa mansiyon

COOL JOE!
ni Joe Barrameda

ISA sa mga itenerary ng Korean cast ng Running Man ay ang bisitahin ang mansiyon ni Manny Pacquiao. Tinanggap naman ni Manny ang mga foreign guest na iniikot ng mga tauhan niya habang wala pang pinagkakaabalahan. 

Kinalaunan ay hinarap sila ni Manny at nakipagkuwentuhan sa kanila na ikinatuwa ng lahat. Hinandugan sila nito ng regalo mula Korea.

Pinangakuan sila ni Manny na sa pagbabalik nila rito ay sa Gensan niya dadalhin ang grupo. 

Anang mga Koreano kay Manny, parang resort ang mansyon niya. Si Ryan Bang ang naging interpreter ng grupo.

Nasa Las Vegas sina Manny at Jinkee para umattend sa isang boxing event. Doon ay nakasalamuha nila sina Mike Tyson, Mark Wahlberg, at Mario Lopez.  Binisita rin niya ang mga amateur boxer habang nagsasanay ang mga ito.

Hindi pa namin alam kung ano ang plano niya pagdating sa politika. Hindi pa yata siya nagri-reach kay Pangulong Bongbong Marcos. Naalala ko nang dumalo siya sa birthday party ni Sen Jinggoy Estrada ay si Pangulong Erap, VP Sarah Duterte, at Jinggoy lang ang binati niya. Nilampasan niya si PBBM na katabi lang ni Jinggoy.