HATAW! D'yaryo ng Bayan hatawtabloid.com
MA at PA
ni Rommel Placente
WALANG katotohanan na inggit na inggit ngayon si Bea Binene sa kasikatang tinatamasa ng kaibigan niyang si Barbie Forteza dahil sa tagumpay ng serye nito na Maria Clara at Ibarra.
Ayon kay Bea, masaya siya sa nangyayari sa showbiz career ni Barbie pati na rin sa ka-loveteam nitong si David Licauco na talagang biglang sumikat nang dahil sa karakter niyang Fidel sa MCAI.
Sabi ni Bea, “Sobrang proud ako sa ‘Maria Clara at Ibarra’ at saka sa kanila ni David.”
Ayon pa kay Bea, solid pa rin ang friendship nila ni Barbie at may communication pa rin sila hanggang ngayon. Kaya naman nakiusap siya sa mga netizen na huwag na silang gawan ng intriga.
“Hindi lang po talaga kami nakakalabas ulit kasi nga, sobrang mga naging busy. Sobrang tagal na po naming hindi nagkikita.
“Pero ‘yun, consistent kapag may birthday, maggi-greet, ‘yung magla-like, babati, magko-comment sa Instagram and Facebook stories.
“Ganoon po talaga. At saka hindi lang si Barbie, pati ‘yung mommy niya, si Tita Amy,” aniya pa.
