Eric umalma sa paggamit ng litrato at pangalan ni Mang Dolphy

MA at PA
ni Rommel Placente

NAGSAMPA ng reklamo ang pamilya ng namayapang komedyante na si Dolphy sa pangunguna ng anak nitong si Eric Quizon, laban sa manufacturer ng liquor brand na Banayad Whisky, dahil sa paggamit sa mukha ng Comedy King sa kanilang packaging.

Napilitan daw silang magdemanda dahil hindi pa rin tumitigil sa paggawa ng nasabing alak na may imahe ng kanilang ama.

Ayon kay Eric, “patented and copyrighted” ang image ni Dolphy pati na ang Banayad Whisky Ibig sabihin, pag-aari ito ng pamilya Quizon at bawal gamitin ng kahit sino ng walang pahintulot.

Kaya nagbabala ng aktor at direktor sa lahat ng mga magtatangkang gumamit sa pangalan, imahe, at litrato ni Dolphy.