Tuesday , March 18 2025
Bongbong Marcos El Niño Hot Temp

El Niño info campaign, ilunsad — FM, Jr.

INATASAN ni Pangulong Ferdinand Marcos Jr. ang lahat ng kinauukulang ahensya ng gobyerno para sa isang public information campaign na magtuturo sa mga Filipino sa El Niño, ayon sa Malacañang kahapon.

Ang naturang hakbang ay naglalayong itaas ang kamalayan sa kasalukuyang sitwasyon ng El Niño, ayon kay FM Jr. sa isang sektoral na pagpupulong sa pagpapagaan sa mga epekto ng pattern ng klima.

“The said campaign aims to remind the people to conserve energy, save water and how to prevent the spread of dengue which becomes prevalent during El Niño due to water shortage,”ayon sa paskil sa Facebook ng state-run Radio Television Malacañang (RTVM).

Iginiit din ng Pangulo na dapat magkaroon ng mekanismo sa bawat ahensya ng gobyerno dahil nangyayari ang El Niño sa isang tiyak na panahon taun-taon sa buong Pilipinas.

Ang lahat ng kinauukulang ahensya ng gobyerno ay dapat maging handa at may standard procedure para sa pamamahala at pagtugon sa El Niño phenomenon, aniya pa.

“[FM Jr.] emphasizes that a timeline of water supply projects be provided so the areas that need water the most will be prioritized,” anang RTVM.

Iniulat ng mga ahensya ng estado ang 80 porsiyentong posibilidad ng El Niño sa panahon ng Hunyo-Hulyo-Agosto 2023, na tumitindi patungo sa unang quarter ng 2024.

Batay sa kasalukuyang mga kondisyon, karamihan sa mga modelo ay sumang-ayon sa mahina hanggang sa katamtamang El Niño hanggang sa unang quarter ng 2024.

Dumalo sa pagpupulong ang mga opisyal mula sa Department of Science and Technology, Philippine Atmospheric, Geophysical and Astronomical Services Administration, National Disaster Risk Reduction and Management Council, Department of Environment and Natural Resources, at Department of Energy. (ROSE NOVENARIO)

About Rose Novenario

Check Also

TRABAHO Partylist, may malasakit sa mga kababaihang nasa laylayan ng lipunan

TRABAHO Partylist, may malasakit sa mga kababaihang nasa laylayan ng lipunan

MULING pinagtibay ng TRABAHO Partylist ang kanilang pangako na tugunan ang mga sistematikong balakid na …

Para sa mga bomber TRABAHO Partylist, nanawagan ng mas mataas na sahod at maa

Para sa mga bombero
TRABAHO Partylist, nanawagan ng mas mataas na sahod at maayos na kondisyon sa trabaho

NGAYONG paggunita ng Fire Prevention Month sa buwan ng Marso, nanawagan ang TRABAHO Partylist para …

FPJ Panday Bayanihan partylist

Proteksiyon sa Frontliners hangad ng FPJ Panday Bayanihan partylist

ISUSULONG ng FPJ Panday Bayanihan partylist ang Good Samaritan Law upang tiyakin ang proteksiyon para …

TRABAHO Partylist

TRABAHO Partylist pabor sa mandatory 30% local output para sa PH-made vehicles

IDINEKLARA ng TRABAHO Partylist ang kanilang suporta sa iminungkahing magkaroon ng mandatory 30% local output …

Arra Corpuz WuNa Team Philippines

WuNa Team Philippines kumolekta ng 45 golds sa Hong Kong wushu tourney

Tila nasa alapaap pa rin ang Wushu Arena Quezon City (WuNa Team Philippines) matapos mapanalunan …