HATAW! D'yaryo ng Bayan hatawtabloid.com
ALAM MO NA!
ni Nonie Nicasio
SWAK na pampaindak ang bagong kanta ng Kapamilya dance-pop artist na si Janah Zaplan na pinamagatang “Dancing On My Own.”
Ang Dancing On My Own ay hinggil sa ‘pagsayaw’ sa buhay sa kanya-kanyang paraan, sa panahon man ng kagipitan o kasiyahan. Isinulat ito ni Robert William Anchuvas Pereña at prodyus naman ni Star Pop label head na si Rox Santos.
“My feet won’t stop dancing to this tune! Show your moves too and make this music your own,” paghihikayat ni Janah tungkol sa kanyang latest song.
Isa si Janah sa up-and-coming artists na mula sa ABS-CBN Music roster. Sa naging panayam niya sa OneMusicPH YouTube channel, sinabi niyang nais maghatid ng positivity at sigla sa listeners sa pamamagitan ng kanyang musika.
“I want to inspire them to grow and develop themselves more para ma-share nila iyong aura nila na maganda, masaya, and positive,” wika pa ni Janah na kasalukuyang nag-aaral para maging piloto.
Last year ay inilabas ng talented na singer-performer ang mga awiting “Maiba Naman” at “Eh Ano Ngayon?!”
Napapakinggan na ang “Dancing On My Own” sa iba’t ibang digital platforms at napapanood din ang visualizer nito sa YouTube. Para sa iba pang detalye, sundan ang Star Pop sa Facebook, Twitter, Instagram, at TikTok.
Para sa additional updates, sundan ang @abscbnpr sa Facebook, Twitter, Instagram, at TikTok o bisitahin ang www.abs-cbn.com/newsroom.
