HATAW! D'yaryo ng Bayan hatawtabloid.com
RATED R
ni Rommel Gonzales
INANUNSIYO mismo ni Judy Ann Santos na hindi muna sila matutuloy lumipad patungong Canada para sa shooting sana ng horror film na The Diary Of Mrs. Winters.
Sa pamamagitan ng kanyang Instagram Stories ay nag-post ang aktres ng isang video na ibinahagi niya kung bakit hindi sila natuloy nitong nakaraang Marso na umalis ng bansa.
“Sa mga nagtatanong hindi po kami natuloy mag- Canada, hindi lumabas ‘yung visa ko, specifically, so it will be pushed back to next year.
“But all is good, all is good, all the production is good siguro sadyang hindi pa lang naaayon ang mga bagay-bagay.
“Sa pagkakataong ito, but you know sadyang maproseso lang ang mga ganap.”
Si Rahyan Carlos ang direktor ng pelikula na gaganap si Judy Ann bilang isang forensic cleaner at kasama rin dito si Sam Milby.
Ang The Diary Of Mrs. Winters ay mula sa produksiyon ng AMP Studios Canada at HappyKarga Films.
Samantala, sa ngayon ay balik-taping si Judy Ann para sa isang serye na hindi pa maaaring ibulgar ang mga detalye pero soon ay mababasa rin ninyo rito sa pahayagang ito.
