HATAW! D'yaryo ng Bayan hatawtabloid.com
ALAM MO NA!
ni Nonie Nicasio
DESIDIDO si John Rey Malto na mag-focus ngayon bilang talent manager. Siya ay kasalukuyang freelance talent manager sa showbiz industry sa iba’t ibang TV Networks tulad ng Sparkle GMA Artist Center, ABS CBN, at TV5. Siya’y bahagi rin ng iba’t ibang film productions at talent agency sa Pilipinas, bilang talent coordinator.
Ang kanyang talent agency ay Malto Celebrity Management. Ang ilan sa talents na nasa kanyang pangangalaga ay sina Euriz Sagum (TV5, GMA), Rexie Ramilo (ABS CBN, GMA), Maricar Aragon (ABS CBN), Xandra (commercial), Wondergirls of Cebu (performer/singer), at Rainalene Maclang (ABS CBN), Michay Sasaki, at iba pa.
Si John Rey ay tubong La Union at nagtapos ng Bachelor of Arts major in Political Science at nagkaroon din ng ilang units sa Education sa Don Mariano Marcos Memorial State University (DMMMSU) Mid-La Union Campus. Siya ay kumuha rin ng Photography course sa Lorma Colleges.
Siya ay dating director ng International Modeling Competition sa Philippines noong 2018 at humawak ng mga models and talents. Naging consultant/ambassador din siya ng isang prestigious talent agency at miyembro ng Film Development Council of the Philippines (FDCP). Siya ay naging Executive Producer din ng isang Online TV Channel.
Noong 2017, nagsimula siyang humawak ng mga modelo at beauty queen. Ginamit niya ang pagkakataong ito para ibahagi ang kaalaman at kakayahan sa kanyang mga imine-mentor na models at talents. Ito ang nagbukas sa kanya sa mundo ng showbusiness.
Ngayon ay nakatuon siya sa pagtuklas ng mga may talento upang maging bituin balang araw, upang higit pang pagandahin at hubugin sila sa kanilang mga talento, kakayahan, at potensiyal. Kabilang dito ang mga aktor, mang-aawit, mananayaw, at modelo.
“Ang wish and payo ko po sa mga talent natin, huwag po tayong susuko, keep moving and still motivating sa mga naumpisahan na nating mga pagsubok… na anumang tagumpay na bago natin marating, keep on going lang. Ipagpatuloy lang nila ang kanilang pangarap na maging isang bituin balang araw,” sambit ni John Rey.
Sa mga nagnanais at nangangarap maging artista, model, beauty queen, singer, dancer, at host, maaari ninyo siyang makontak sa kanyang social media account sa Facebook sa account na John Rey Malto.
