Bimby super proud sa mama niyang nadaragdagan na ang timbang — And still beautiful

MA at PA
ni Rommel Placente

IKINUWENTO ni Ogie Diaz sa publiko sa pamamagitan ng Showbiz Update vlog nila ni Mama Loi kasama si Tita Jegs, na umaayos na ang kalagayan ni Kris Aquino, na kasalukuyang nasa California, USA kasama ang bunsong anak na si Bimby.

Ito’y ayon mismo kay Bimby nang magkita sila ni Ogie sa USA.

Nasa Corona, California kasi that time si Ogie para dumalaw sa isang kaibigan. At  makikipagkita sana siya kay Kris, pero hindi ito pumwede, kaya si Bimby na lang ang nakipagkita kay Ogie.

Si Bimby kasama ang Chief of Staff ni Kris na si Alvin Gagui ang nakipagkita kay Ogie kasama ang kaibigan ng huli at kumain sila sa isang restoran.

Bungad ni Ogie sa pagkikita nila ni Bimby,“Tap on the second of all my Faustina I know everything even ever the football synonym dinner call.

“Of course! Wherever mom is, I’ll be there,” nakangiting sagot ni Bimby.

Pinuri ni Ogie ang mga anak ng kumareng Kris niya dahil dikit lahat ito sa nanay nila, “Of course!” sambit ni Bimby.

Dagdag ng binatilyo, “I told my mama that my wife will be the love of my world, and si mama love of my universe, ha!”

Sundot na tanong ni Ogie, “Pero ayaw pa ni mommy mo na mag-girlfriend ka?”

“Oh, ayaw pa, si Mama muna,” sagot ni Bimby.

Nang kamustahin ni Ogie si Kris kay Bimby, ang sabi nito,”Okey naman.You know stable, and of course still beautiful,” sabi ni Bimby.

Tumaas na raw ang timbang ni Kris.

“She is now 103 (pounds), yeah 103, stable.”

Pagkarinig niyon, sinabi ni Ogie na good news ito para sa mga sumusuporta kay Kris, dahil dati-rati ay less than 90 pounds ito bagay na ipinag-aalala ng lahat.

“Kahit 80 pounds si Mama, before 80 pounds, she’s still beautiful.  Beautiful mama ever para sa akin,” diin ni Bimby.

Magandang balita nga ito para sa mga nagmamahal kay Kris. At sana nga ay patuloy nang bumuti ang kanyang kalagayan.