HATAW! D'yaryo ng Bayan hatawtabloid.com
MA at PA
ni Rommel Placente
SA guesting ni Kim Atienza sa Fast Talk With Boy Abunda,sinabi niyang kapag namatay siya at namaalam na sa mundo ay sa langit siya mapupunta at hindi sa impiyerno.
Ayon kay Kuya Kim, hindi raw siya natatakot mamatay at kahit kunin siya ni Lord anytime ay handang-handa na siya dahil lahat naman ng tao ay doon din ang ending.
“Hindi na ako takot mamatay, I can die today. Kasi alam ko kung saan ako pupunta. Alam kong pupunta ako sa langit. Not because I’m doing good acts, but because I have faith in Him and He died in the cross for me,” sabi ni Kuya Kim.
Pagpapatuloy ng TV host, “Because I have accepted Jesus Christ as Lord and Savior and repented for my sins.”
Kung sakaling mamamatay na siya ngayon, i-spend niya ang natitirang oras sa kanyang mga mahal sa buhay.
“Pupunta ko sa misis ko, yayakapin ko, sasabihin kong mahal ko siya. Kakausapin ko lahat ng anak ko na nasa America, at sasabihin ko kung gaano ko sila kamahal.
“Pupuntahan ko ang magulang ko, lahat ng tao na pwede kong sabihan na mahal na mahal ko sila, sasabihin ko sa kanila,” aniya pa.
