HATAW! D'yaryo ng Bayan hatawtabloid.com
HARD TALK
ni Pilar Mateo
COCHINILLO!
Lechon ‘yun. Maliit lang. Ang crispy. Kaya ang panghiwa nga, plato lang.
Nagpauso? ‘Yung aktor na si Marvin Agustin. Na nang mag-lie low sa showbiz, nagtuloy-tuloy lang sa dati na niyang ginagawa o nasimulan ng negosyo. Pagkain.
Dumami na nga ang mga restoran ng aktor. Iba’t ibang drama ng paghahain ng mga pagkain. May Japanese. May Mediterranean. May Pinoy. Mayroon nga ‘yung in-a-box sa mga kiosk.
Hanggang dyan nga kay Cochinillo. Na inihahain kasama ang mga oyster doon sa Cochi Bistro sa Corporate Center ng BGC.
Tapos?
Eto na nga. Nakipag-join forces siya sa Crown Artist Management Inc. (CAM) ng mag-asawa-to be na Maja Salvador at Rambo Nuñez.
O, may career na. Kailangan pa ng manager o management? Sa cooking?
Iku-continue lang naman daw ni Marvin ang kanyang passion. Living life to the fullest. Kasama ang kambal niyang sina Sebastian at Santiago.
Para kay Rambo, multi-talented artist si Marvin. Kaya sa harap man ng kamera o sa harap ng kalan, si Marvin ang Hari, ang #cooKING.
Kilala na si Marvin sa food industry. Bukod sa Cochi Bistro, nandyan pa rin ang Kondwi, Secret Kitchen, at ang Wolfgang Steakhouse PH.
At dyan pa rin naman daw sila magko-concentrate ng CAM. Sa kanyang culinary expertise at paghahatid nito sa mas malawak na audience.
Kaya abangan na natin ang patuloy pang pag-alagwa ng nami-miss din naman ang kanyang showbiz life.
Isa na nga ang pakikipag-tsikahan sa press. And as usual, wala pa ring malinaw na mage-get when it comes to his lovelife. Though, marami naman ang nagsasabi na mayroon naman.
