Mahigit PHP 1.5-M halaga ng shabu nakumpiska sa Bataan

Inihayag ni Central Luzon Regional Director PBGeneral Jose S. Hidalgo Jr na ang Bataan police ay nakakumpiska ng mahigit Php 1.5M halaga ng shabu at nakaaresto ng dalawang indibiduwal sa isinagawang anti-drug operations nitong Lunes, Marso 27 sa mga bayan ng Abucay at Mariveles.

Sa ulat mula sa Bataan PPO, ang magkasanib na mga tauhan ng Bataan Provincial Police Drug Enforcement Unit at Mariveles MPS ang nagkasa ng anti-illegal drug operation (buy bust) sa bahagi ng Brgy. Alasasin, Mariveles, Bataan.

Nagresulta ito sa pagkaaresto ni  Rommel Limboc y Guevarra at pagkakumpiska ng isang  brown sling bag na naglalaman ng pinaghihinalaang shabu na humigit-kumulang ay may timbang na 150 gramo at halagang PhP1,020,000.00 at Php 1,000.00 marked money.

Samantalang ang mga tauhan ng Abucay MPS ay naaresto si  Celso Soriano Rubiano sa inilatag na  check point operation sa bahagi ng National Road, Brgy. Laon, Abucay, Bataan.

Si Rubiano habang sakay ng minamanehong black Honda CBR 150cc ay pinara ng mga awtoridad sapagkat  over speeding bukod sa hindi pagsusuot ng helmet.

Nang hingin ng operating team ang kanyang driver’s license ay naispatan ng mga pulis ang isang malaking selyadong pakete ng plastic na naglalaman ng shabu na humigit-kumulang ay may timbang na  25 gram na may halagang mahigit sa Php50,000.00.

Appropriate charges for violation of RA 9165 were referred to the court.

PBGEN HIDALGO JR commended Bataan police for a job well done and further stated that the entire Central Luzon cops are committed to stop the proliferation of illegal drugs in the region.