Batakan ng Shabu sa Mabalacat City, sinalakay ng PDEA

Nagawang baklasin ng mga ahente ng Philippine Enforcement Agency Region III (PDEA-3) ang isang makeshift drug den at naaresto ang limang indibiduwal sa ikinasang  buy-bust operation sa Barangay Dapdap sa Mabalacat City, Pampanga kamakalawa ng hapon.

Kinilala ng team leader ng PDEA ang mga arestadong suspek na sina Raymond Galang y Baluyut @Eba, 34;  Noel Galang y Baluyut @Pambok,29; Policarpio Galang y Valencia @Pulak, 60; Regine Ayson y Lumanlad, 32; at John Mark Serrano y Mangacu , 29.

Ang operasyon ay nagbunga sa pagkakumpiska ng siyam na pakete ng plastic na naglalaman ng humigit-kumulang sa 12 gramo ng shabu na nagkakahalagang Php 82,800.00; assorted drug paraphernalia; at buy-bust money.

Kasong paglabag sa RA 9165 o Comprehensive Dangerous Drugs Act of 2002 ang isasampa laban sa mga suspek sa korte.(Micka Bautista)