HATAW! D'yaryo ng Bayan hatawtabloid.com
RATED R
ni Rommel Gonzales
PASABOG ang rebelasyon ni Krista Miller na siya ay nanligaw na ng babae.
“Pero ano ‘yun, siguro parang mga, during that time siguro parang may ano pa ako niyon, may identity crisis, ‘yung mga ganoon. Parang ano pa ako noon eh, high school.
“Kasi mga kaibigan ko mga lesbian, mga ano, so na-attract din talaga ako sa girls.
“Pero ayun, okay naman.”
Inamin din ni Krista na nagkaroon siya ng relasyon sa kapwa niya babae.
“Opo, pero ‘yun talaga high school pa ako talaga noon.”
Hanggang saan umabot ang relasyon nila ng naturang babae?
“Ah hindi na siya umabot sa ano, sa point na may mga touch-touch na.
“Noong hinawakan na niya ‘yung kamay ko, sabi ko, ‘Hindi ko kaya’,” at tumawa si Krista.
Sa tanong naman kung gaano katagal silang magkarelasyon, “Parang ano kasi eh, parang naging ano kami eh, mas naging ano, naging magkaibigan.
“Nagsimula kasi iyon noong nagdyu-join ako ng mga beauty pageant dati, siyempre puro mga babae kasama mo. Tapos parang may nakita ako roon na giniginaw siya tapos ayun ibinigay ko ‘yung jacket ko sa kanya.
“Doon na nagsimula.”
Kandidata rin sa naturang pageant ang babaeng tinutukoy ni Krista na naging karelasyon niya dati.
“So ayun na naging ano na kami, naging close na kami tapos ayun, siya ‘yung gumagawa ng homework ko,” at muling tumawa si Krista.
Mapapanood si Krista bilang si Cristina sa Upuan sa online streaming ng AQ Prime na leading man niya si Andrew Gan bilang si Sean at leading lady naman ni Krista si Nika Madrid bilang si Nessie, sa direksiyon ni Greg Colasito.
