HATAW! D'yaryo ng Bayan hatawtabloid.com
RATED R
ni Rommel Gonzales
FAST-PACED at world-class. Ito ang ilan sa mga feedback ng viewers sa latest series na The Write One na pinagbibidahan nina Ruru Madrid at Bianca Umali.
First few episodes pa lang, ipinakita na ang emotional wedding scene ng RuCa na pinusuan ng manonood. Pero sabi nga ng karakter ni Ruru na si Liam, hindi ito kuwento ng happy ever after pero kuwento pagkatapos ng happily ever after. Reality bites at struggle is real ‘ika nga – ngayong kasal na sina si Liam at Joyce (Bianca), rito nila mare-realize na hindi madali ang buhay pamilyado. At dahil sa mga desisyon ni Liam ay nalagay sa panganib ang buhay ng kanilang anak. Sa laki ng pagsisisi niya, hihilingin ni Liam na mabago ang past at somehow, gamit ang lumang typewriter ng kanyang yumaong ina (Lotlot de Leon), magigising si Liam na iba na ang kanyang kasalukuyang buhay. Wala na sa eksena sina Joyce at Dex (Euwenn Mikaell Aleta). Pero ano ito, bakit sa halip na si Joyce ang kasama niya, si Via (Mikee Quintos) na ang karelasyon ni Liam?
Excited na ang marami sa mga susunod na episodes kaya naman kahit may advance episodes sa Viu, tinututukan pa rin ng viewers gabi-gabi ang The Write One sa GMA Telebabad after Hearts on Ice.
