Arci wish makapareha sinoman kina Kim Soo Hyun, So Ji Sub, Lee Jong Suk, Lee Min Ho, Song Jung Ki, at Hyun Bin

HARD TALK
ni Pilar Mateo

OPPA na nga lang ang masasabing kulang sa buhay ng isang Arci Muñoz.

Ayon sa Google, kung titingnan natin ang listahan ng mga highest paid actor sa nasabing bansa, mangunguna riyan si Kim Soo Hyun. At susunod sa kanya sina So Ji Sub, Lee Jong Suk, Lee Min Ho, Song Jung Ki, at Hyun Bin. Actually nasa 20 ang nakalista as of February 2023.

O, bakit nabanggit ko ang mga ‘yan?

Kasi, ang susunod na proyekto ni Arci, nila ni Direk Njel de Mesa ng NDM Productions ay ang nabuo lang nila habang tinatapos ang mga eksena ng aktres sa Kabit Killer doon sa Cambodia. Tatlong bansa ang inikutan ng shoot nila. Malaysia, Singapore and Cambodia. 

Nang maupo sila after a hard day’s work para mag-unwind, naramdaman ni Direk Njel na parang nangyari na ‘yung ganoong eksena sa kanila. Deja Vu!

So, umarangkada na naman ang lagi nilang magkatugmang pag-iisip. Gawa raw sila o ituloy na raw nila ‘yung una nilang naisip na JEJU MON. Kasi nga ang next target nila eh South Korea na. Hanggang nauwi na sa Jeju Vu ang susunod na proyekto ng walang kapagurang tandem.

Since nangangarap na rin lang ang naniniwala sa ibinibigay ng Panginoon sa kanya, wini-wish ni Arci na Korean Superstar o that caliber man lng ang makasama niya sa pelikula.

Kaya within this week magaganap ang usapang pirmahan ng kontrata sa nasabing “oppa.”

Zero ang lovelife ni Arci. Kaya nagtataka naman siya at pilit siyang iniuugnay sa isang SZ. Na kaibigan naman daw niya.

For all her endeavors now, ang Mama niya ang palaging kasama ni Arci, lalo na sa pag-iikot sa ibang bansa with her projects.

Ang dami naman kasing alam na gawin. Modelo. Singer. Painter. Author. Ngayon involve na involve sa produksiyon. Ginigiya na ni direk Njel ang daraanan niya para maging isang direktor. Alam na rin kasi nito ang pasikot-sikot sa produksiyon. O, alam na alam niya ang kahalagahan ng pagtatabi ng mga resibo as line producer. Pati wardrobe may mata siya. At nahihiya na ang make-up artists sa kanya dahil mahusay din siyang mag-make-up.

Marami ng in the can na movies si direk Njel. Hinihintay na ang release ng Kabit Killer na plano na ring iikot sa iba’t ibang festivals.

Ibang adventures naman ang haharapin ni Arci sa Jeju Vu na kukunan ang kabuuan sa Jeju Island sa South Korea.

This time kaya, matagpuan na ng “Noona” ang kanyang “Oppa”?