Ashley Ortega mainit na tinanggap ng netizens

RATED R
ni Rommel Gonzales

MASASAKSIHAN  na sa wakas ang paglabas ni Sparkle artist Ashley Ortega bilang si Ponggay sa first-ever figure skating series sa bansa na Hearts On Ice.

Ngayong araw, Biyernes, mapapanood na si Ashley sa kanyang kauna-unahang lead role sa GMA primetime soap. Subaybayan ang journey ni Ponggay para abutin ang nasirang pangarap ng kanyang ina na maging isang figure skating champion. 

Samantala, very thankful si Ashley sa naging mainit na pagtanggap ng viewers sa pilot episode ng Hearts On Ice noong Lunes (March 13). Trending topic din ang serye sa Twitter kaya say ni Ashley, “Sa lahat po ng nagpa-trend ng ‘Hearts On Ice’ kagabi, maraming-maraming salamat po sa inyo. I’m so kilig. The whole cast and production of ‘Hearts On Ice’ is so kilig also.”

Todo-pasalamat din si Ashley sa mga kapwa Kapuso star na nag-congratulate sa kanya at nagpahayag ng suporta para sa show. Ilan lang diyan sina Kapuso Primetime King Dingdong Dantes at Kapuso Primetime Queen Marian Rivera na ibinahagi sa Instagram ang official poster ng Hearts On Ice.

Talaga namang nag-uumapaw ang positive feedback para sa programa. Ayon sa ilang netizens, “Ang masasabi ko lang for #HeartsOnIceWorldPremiere, it’s like watching a film on TV. The skating scenes look so cinematic! Seeing my childhood dream of becoming a figure skater in a TV drama makes me very happy. 

#HeartsOnIceWorldPremiere is a testament to GMA’s commitment to producing world-class series.”

Marami pang dapat abangan sa serye at kabilang na riyan ang magiging papel ni Enzo (Xian Lim) sa buhay ni Ponggay! Kaya tutok lang sa Hearts On Ice, Lunes hanggang Biyernes, 8:50 p.m. sa GMA Telebabad.

Mapapanood din ang programa sa Pinoy Hits, I Heart Movies, GTV (11:30 p.m.), at naka-livestream din ito sa GMANetwork.com.