Barbie excited madala ang ina sa matatapos nang ipinagagawang bahay 

RATED R
ni Rommel Gonzales

MASAYANG-MASAYA si Barbie Forteza dahil sa kanyang ipinatatayong bagong bahay.

“Oo nga po. Naku, nakatutuwa. Kasi noong nagdaang pandemya parang sobrang imposibleng mangyari na makapagpatayo ng bahay.

“Na hanggang sa ngayon na nakikita ko nasa ano na kami, plastering, nasa roofing na, medyo buo na ‘yung itsura niya. So, nakatutuwa lang balikan ‘yung times na medyo challenging talaga siya.

“Medyo stressful and challenging  and maraming naging problema pero ngayon nakatutuwa dahil kahit paano kahit mdeyo mahirap siya nakikita mo na siyang nabubuo.

“Nakikita mo na ‘yung pinaghihirapan mo. So I’m just really excited na madala ang aking family sa aming dream house.

“Actually madala ‘yung mama ko kasi si mama ko ang never pang nakapunta roon sa property namin.”

Ang naturang bahay ba ay para sa sarili niya o regalo rin niya sa pamilya niya?

“Ahhh, I think regalo ‘to sa aming lahat. Sa aming buong pamilya.”

Samantala, dahil sa tagumpay ng tambalang FiLay nina David Licauco (bilang Fidel) at Barbie (bilang Klay) sa Maria Clara At Ibarra, agad nasundan ang kanilang proyekto at ito ay sa Daig Kayo Ng Lola Ko Presents Lady & Luke na napapanood sa GMA tuwing Linggo (March 12 to April 2), 6:00 p.m..