Eat Bulaga papalitan ng Wow, Bulaga; Tanggapin kaya ni Willie na  palitan ang TVJ?

I-FLEX
ni Jun Nardo

WALANG  narinig na announcement sa Eat Bulaga noong Sabado ang loyal viewers ng programa kaugnay ng naglalabasang tsismis sa social medi at vlogs.

Eh nitong nakaraang lingo, iba’t ibang tsimis ang kumalat na may kaugnayan sa Bulaga gaya ng umano ay pagtanggal kay Mr. Tony Tuviera bilang Chairman ng TAPE. Inc., producer ng EB, pagpalit sa Tito, Vic and Joey, pagiging title ng show na Wow, Bulaga dahil kukunin si Willie Revillame sa show at iba pa.

Last Saturday, present ang Tito, Vic and Joey at iba pang Dabarkads except kina Maine Mendoza, Maja Salvadorat iba pang guest Dabarkads. Grand finals ng Singing Little Diva kaya festive ang ambience sa studio.

Eh kina TVJ, si Joey ang pinaka-vocal kapag may ganitong sitwasyon sa EB. Basta sa kanyang Instagram post, nagsabi lang siya na siya ay natutuwa at nakatutuwa na sa loob ng apat na dekada ay pinag-uusapan pa rin ang Bulaga. Basta saad pa niya, magkita-kita ang lahat sa 50 years ng Eat Bulaga!

Sabi pa nga ng lahat, “Hanggang may bata, may Eat Bulaga!” Tuloy ang ligaya  tuwing tanghali mula Lunes hanggang Sabado na hatid ng Bulaga!