Jeri Violago, kaabang-abang ang pagsabak sa music scene 

ALAM MO NA!
ni Nonie Nicasio

MAY-K ang newbie singer na si Jeri Violago na mabigyan ng chance na maging talent ng Star Music.

Guwapings ang newcomer na ito na nakilala noon bilang si Jericho Violago at malaki ang pagkakahawig niya kay Matteo Guidicelli.

Hindi lang magaling na singer ang binata, si Jeri ay marunong din mag-compose ng kanta. Kaya ang kontratang pinirmahan niya sa Star Music ay as a singer, composer, at co-producer din.

Napanood namin si Jeri sa event ng Holy Family Parish sa Kamias, Quezon City, na kumanta siya habang hinaharana ang mga nanalong magagandang dilag. Dito’y isa-isang rumampa sa loob ng church ang mga napiling My Fair Lady. Ang naturang event ay bahagi ng fiesta celebration ng nasabing barangay.

Sa nasabing event ay naibalita ni Jeri na seven songs na ang na-compose niya at dito posibleng manggaling ang kanyang debut single.

Pahayag ni Jeric, “They are still choosing what song ang magiging first track na iri-release. It should be a song na talagang babagay sa akin at makaka-relate iyong mga ka-age ko.”

Samantala, bukod sa pagkanta, game rin sumabak sa pag-arte si Jeri kung mabibigyan ng chance. Kung sakali, swak na swak siya bilang younger brother ni Matteo . 

Pero sa ngayon, sa kanyang singing career muna ang focus ni Jeri at dapat abangan ang kanyang magiging journey sa music scene.