HATAW! D'yaryo ng Bayan hatawtabloid.com
HARD TALK
ni Pilar Mateo
TRENDING ang FPJ’s Batang Quiapo lahat ng platforms nang pumaimbulog ito sa ere, isang araw bago ang pagdiriwang ng Araw ng Mga Puso.
Naikuwento ng bidang si Coco Martin, na hindi lang sa Quiapo matutunghayan ang istorya ng buhay ni Tanggol. Mayroon din itong mga eksena sa Tondo. At mga karatig-pook ng Quiapo. At aabot pa sa ibang mga lalawigan.
Nabanggit ni Coco na sesentro rin ang isang istorya sa lugar ng ating nga kapatid na Muslim sa Quiapo.
At dito papasok ang karakter ni Julio Diaz.
Na masayang ibinalita sa amin ang napipinto niyang pagpasok sa serye.
“Akala ko nakalimutan na ako ni Coco. Suwerte ang mga naunang na-casting. Sobrang tuwa ako nung maalala ako ni Coco sa role ng Muslim ng Quiapo. Kaya ang laki ng pasasalamat ko kay Coco. Siya ang may final say sa casting.
“At ngayong may role ako sa ‘Batang Quiapo,’ may rason na ako para makakuha ng kotse para sa inaanak mong si Kari. Wigo ng Toyota ang bagay sa kanya. Kasi maliit. Bagay sa kanya ‘yun kasi madaling i-park.”
Nang magsimula at magbukas ang eksena ng FPJs Ang Probinsyano, tumatak ang eksena ni Julio na nakikipag-buntalan kay Coco sa ibabaw ng umaandar na tren. Hindi nakalimutan ang nasabing eksena.
At ngayon, muling bibigyan ng magandang eksena ni Coco si Julio sa nasabing teleserye.
At may maganda ring pupuntahan ang muling pagsalang ni Julio sa Batang Quiapo. Para sa minamahal na anak.
Babawi siya nang todo!
