HATAW! D'yaryo ng Bayan hatawtabloid.com
MA at PA
ni Rommel Placente
FINALLY ay nagsalita na rin si Sunshine Cruz ukol sa naging hiwalayan nila ni Macky Mathay noong nakaraang taon.
Sa guesting ng aktres sa Fast Talk With Boy Abunda, kinompirma niya na totoong hiwalay na sila ng half brother ng kaibigan niyang si Ara Mina.
Ayon kay Sunshine, pinili niya noong manahimik dahil may mga batang sangkot sa relasyon nila.
Sabi niya sa panayam ni Boy Abunda, “I chose to be quiet because mayroong mga bata na involved, na mga anak niya na napamahal sa akin at ‘yung mga anak ko na napamahal kay Macky.
“So, nag-decide ako na maging quiet na lang, kasi hindi naman talaga alam ng publiko kung ano ‘yung mga pinagdaraanan namin or kung ano ‘yung pinagdaanan ko.
“Parang ang feeling ko, Tito Boy, hindi na dapat talaga ma-involve ang publiko rito.”
Hindi man nagbigay ng detalye si Sunshine tungkol sa hiwalayan nila ni Macky, inamin niyang nawala ang tiwala at respeto sa relasyon nila.
Katulad din ito noon sa ex-husband niyang si Cesar Montano.
“Ang na-realize ko lang dito sa relationship, and even with my ex-husband, Cesar, tatlo ang importanteng bagay sa relationship, hindi lang love.
“Dapat nandoon ang trust, nandoon ang respect. ‘Pag mayroong isang nawala roon, it’s not going to work.
“And sa edad kong ito, I am 45 years old, hindi na dapat pinatatagal.
“Of course, you give chances, sabi nga, ‘di ba, ‘yung kay Senator Chiz [Escudero-Heart Evangelista reconciliation], masarap magkaroon ng second chances.
“Of course, you give your second chance, third chance… hanggang 10 pa nga na beses magbibigay ka, eh.
“Pero at the end of the day, you wake up one day at mari-realize na wala nang patutunguhan ang relationship.
“You just have to be thankful for the years you’ve been together. Naging maganda ‘yung pagsasama niyo, nagmahalan kayo, naging inspiration kayo sa isa’t isa.”
Sa tanong kung may third party ba sa hiwalayan nila ni Macky, makahulugang sagot ni Sunshine: “Parang wala ako sa posisyon na magsalita tungkol diyan.”
