HATAW! D'yaryo ng Bayan hatawtabloid.com
RATED R
ni Rommel Gonzales
NAKAGUGULAT pero kinakabahan pa rin pala si Ice Seguerra kapag may performance.
Kahit mahigit tatlong dekada na sa show business ay aminado ang singer na kinakabahan pa rin siya sa tuwing may big concert.
Sa February 18, gagawin ang Becoming Ice anniversary concert sa Waterfront Cebu City.
Unang isinigawa ni Ice ang kanyang 35th anniversary concert noong October 2022 sa Solaire Resort and Casino sa Parañaque City.
Sabi ng Pagdating ng Panahon singer tungkol sa kanyang Cebu show, “Woooooh! Naaalala ko when we first did the show sa Solaire. Ibang klase ‘yung kaba at stress na naramdaman ko. It’s always a different feeling headlining a major concert at kahit ilang taon ko na ginagawa to, hindi nagababago ‘yung pre-show jitters.
“Pero noong isa-isa nang nag-confirm ‘yung guests, gumaan pakiramdam ko ‘coz I knew I’d be sharing the stage with friends. Napakasuwerte ko na kahit big names sila sa industriya, mabilis na ‘yes’ agad when I asked them to be part of the show.”
Makakasamang muli ni Ice sa kanyang concert si Bossing Vic Sotto at aktres na si Sylvia Sanchez, na co-producer ng concert. Mapapanood din sina Martin Nievera, Bayang Barrios, at Frenchie Dy sa Becoming Ice concert.
