HATAW! D'yaryo ng Bayan hatawtabloid.com
COOL JOE!
ni Joe Barrameda
TUWANG-TUWA si LA Santos nang tanggapin niya ang Best New Male Artist trophy sa 35th Star Awards for TV noong Sabado, January 28 sa Winford Manila Resort and Casino.
Isang malaking hamon ito para sa kanya na lalong pag-ibayuhin ang talent niya bilang aktor. Kasalukuyan siyang nasa cast ng Darna na nalalapit na ang pagtatapos.
Ayon nga kay LA ay mami-miss niya si Janella Salvador sa napipintong pagtatapos ng Darna. Although ultimate crush niya si Janela ay ikinokonsidera niyang parang isang kapatid.
Sa edad na 23 ay marami na rin naman siyang natutunan sa mundo ng showbiz kahit nanggaling ito sa buena pamilya.
Sa aming pakikipagchikahan kay LA, ramdam na ramdam namin ang pagiging humble at handang makipagchikahan sa kahit anong klaseng tao at ‘yan ang isa sa karakter ng pagiging matagumpay na artista na handang harapin ang mga tao from all walks of life. Isang taong napaka-cheerful at totoong taong walang halong kaplastikan. Malaking factor din ang mga magulang na gumabay at tamang pagpapalaki ng anak.
Kaya saludo kami sa kanyang Mommy Flor na laging nasa likod ni LA. Malayo ang mararating ng batang ito.
May gagawing movie si LA with Maricel Soriano pero ‘di pa puwedeng isiwalat ang details nito.
Sobrang happy si LA nang kamakailan ay nagdiwang ng kanyang kaarawan. Dumating kasi si Maricel na isang malaking artista para kay LA. Sabi nga ni LA, ano pa ba ang mahihiling niya. Kaya marami tayong aabangan kay LA sa larangan ng showbiz. Aabangan din namin ‘yan.
