HATAW! D'yaryo ng Bayan hatawtabloid.com
NAKATANGGAP ng sulat si Mayor Omeng Ramos mula sa mga kababayang kasalukuyang nakapiit sa Sta. Maria Municipal Jail na humihingi ng tulong para sa ilang persons deprived of liberty (PDLs) na walang gaanong dumadalaw at walang naghahatid ng tulong tulad ng pangkain sa araw-araw.
Agad itong tinugunan ni Mayor Omeng, kilalang may mabuting puso at kalooban sa pakikipagtulungan ng mga tauhan ng Sta. Maria MDRRMO saka personal na inihatid ang tulong sa mga nasa kulungan.
Nakita ni Mayor Omeng ang damdamin at malasakit ng mga kababayang nakakulong sa bawat isa kaya sa munting paraan ay nagpaabot siya ng tulong sa kanila.
Sa kanyang pakikipag-usap sa mga kababayang PDL, ipinaalala niya na magpakabait at magbagong buhay dahil may pamahalaan na handang umagapay sa kanilang muling pagsisimula. (MICKA BAUTISTA)
