HATAW! D'yaryo ng Bayan hatawtabloid.com
ALAM MO NA!
ni Nonie Nicasio
NAPANSIN namin na mas naging guwaping si J CSantos sa successful na opening ng BeauteHaus ng Beautederm noong January 8, 2023.
Bakit iba ang awra niya ngayon at lalong naging guwaping? Nakangiting sagot ni JC, “Inspired…and I think gusto ko itong 2023 na ito na bumalik iyong amor ko sa ginagawa ko ulit. And gusto kong ayusin ulit ang sarili ko.
“Specially, ngayon ay nasa BeauteHaus na ako at sila na ang gumagawa ng physical looks ko eh, at alagang-alaga ako sa kanila. Ngayon ay kailangan ko na lang alagaan ang reputasyon ko sa public at kung paano pa ako puwedeng gumaling as an actor.”
Pagpapatuloy pa ni JC na isa sa endorsers ng BeauteHaus , “Hiyang ako sa BeauteHaus at ang galing nila dahil sobrang high tech ng mga equipment nila rito. Tapos ay hindi naman siya invasive, so walang masakit and nag-eenjoy pa ako. Tapos, sobrang relax pa, kita nyo naman itong place, itong clinic nila, parang isang malaking-malaking sosyal na spa.
“Ang pinatanggal ko ay itong mahahaba (guhit sa mukha), kasi from the theater before, talagang kapag ngumingiti kami roon ay sobrang laki, so nagkaka-wrinkles talaga kami at iyon lang naman ang pinatanggal ko. Siyempre sinigurado ko na hindi ba makakaapekto iyon sa acting at sa pag-iyak, hindi naman daw. Kasi I think, portions lang naman ang ibino-botox nila rito, kung ano lang ang nakikita nila na may wrinkle, iyon lang iyon at hindi naman sobra, kaunti lang naman,” sambit pa niya..
Si JC ay mapapanood very soon sa pelikulangA Cup of Flavor kasama sina Sean de Guzman, Barbie Imperial at Rowan Diaz.Mula sa 3:16 Media Network ni Ms. Len Carrollo, ito ay under ni Direk Ma-an L. Asuncion-Dagñalan. Pati na sa Dirty Linen simula January 23, 2023, 9:30PM sa Kapamilya Channel, Kapamilya Online Live, Jeepney TV, A2Z at TV5! Mapapanood din ito sa iWantTFC and TFC!
Speaking of Beautederm, congrats sa CEO and President nito na si Ms. Rhea Anicoche Tan sa successful na opening ng BeauteHaus ng Beautederm last Sunday. Ang bagong tahanan ng BeauteHaus Clinic ay matatagpuan sa Lot 2 Blk. 19 corner San Jose and Mc Arthur Highway Santo Domingo, Angeles, Pampanga. Wazeable rin ito sa pin na Beautederm Headquarters.
Bukod kay JC at misis na si Shyleena, present dito sina Beauty Gonzales, Jelai Andres, Bulacan Vice Governor Alex Castro, Sunshine Garcia, Glydel Mercado, Tonton Gutierrez, Sherilyn Reyes Tan, Ryle Santiago, Rochelle Barrameda, Jimwell Stevens, Alma Concepcion, Trina Candaza, at DJ Chacha na nagsilbi ring host ng event.
Super-ganda ng bagong building ng Beautederm at talagang animo nasa Five Star hotel ka sa pagpasok dito. Bukod sa main office ng Beautederm, ipinagmamalaki rito ng BeauteHaus Clinic ang kanilang state of the art machines, equipments, at aesthetic services gaya ng Snow White Laser, Beauté Rejuve Laser with Beauté Glow Peptide, Ultimate V-Lift, Beauté Hifu, at Beautédrips. Pati na ang kanilang premium machines tulad ng Ulthera at Vivace na patok na patok ngayon sa beauty industry.
Nasa building din ang Beaute Beanery na nagse-serve ng masasarap na pagkain, drinks, at ng variety of coffee mixes. Para naman sa mga mamahaling bags at branded items ay nandiyan ang A-List Avenue. Mayroon ding sariling studio ang Beautederm para sa kanilang photo at video shoots. Hindi lang ito para sa kanilang celebrity endorsers dahil puwedeng i-rent din ito ng iba.
