HATAW! D'yaryo ng Bayan hatawtabloid.com
NAGKASUNDO sina Pangulong Ferdinand R. Marcos, Jr., at Chinese President Xi Jinping na maghanap ng kompromiso at mga hakbang na magiging kapaki-pakinabang sa mga mangingisdang Filipino.
Matapos tukuyin ni FM Jr., kay Xi ang kalagayan ng mga mangingisdang Filipino sa West Philippine Sea sa kanilang bilateral meeting sa Great Hall of the People sa Beijing, China kahapon.
“I was very clear in trying to talk about the plight of our fishermen. The President promised that we would find a compromise and find a solution that will be beneficial so that our fishermen might be able to fish again in their natural fishing grounds,” sabi ni FM Jr.
Matatandaan, may mga kaso ng harassment laban sa mga mangingisdang Pinoy ang mga tauhan ng Chinese Coast Guard.
Sinabi rin ni FM Jr., ipagpapatuloy ng Filipinas at China ang negosasyon tungkol sa oil at gas explorations sa South China Sea.
“I would very much like, as you have suggested, Mr. President, to be able to announce that we are continuing negotiations and that we hope that these negotiations will bear fruit because the pressure upon not only China, not only the Philippines but the rest of the world to move away from the traditional fronts of power,” ani FM Jr., kay Xi.
Wala pang pahayag ang Malacañang kung natalakay ng dalawang leader ang isyu ng pangangamkam ng China sa ilang bahagi ng West Philippine Sea kahit idineklara na itong bahagi ng Filipinas sa isang desisyon ng Permanent Court of Arbitration. (ROSE NOVENARIO)
