HATAW! D'yaryo ng Bayan hatawtabloid.com
ALAM MO NA!
ni Nonie Nicasio
KATATAPOS lang ng shooting ni Julia Victoria para sa pelikulang Kabayo at nalaman namin na mayroon din siyang project with Sean de Guzman.
Kuwento ni Julia, “Yes po, Lawa po ang title ng movie namin ni Sean. Ang ganda po ng istorya nito, grabe. Katatapos lang namin pong i-shoot itong movie.”
Dagdag niya, “Ang role ko po rito, isa ako sa mga couple na nagbabakasyon sa lake na na-video-han ni Sean. Abangan po nila ito, sure ako na magandaa itong movie po namin.”
Incidentally, bukod kay Julia ay tampok din sa pelikulang Kabayo sina Rico Barrera, Angelo Ilagan, Apple de Castro, Francesca Flores, Ping Medina, at Paolo Rivero. Directed by Gian Franco, ito’y prodyus ng LDG Pinoyflix, at ni Manuel Veloso.
Dito’y gumaganap si Julia bilang si Lorraine, isang anak mayaman na very liberated sa sex, to the point na handa niyang i-explore ang iba’t ibang bagay.
After humataw sa dalawang pelikula, sa December 18 ay mapapanood naman sa Vivamax ang napaka-hot na alaga ni Lito de Guzman sa Lovely Ladies Dormitory. Directed by Mervyn BrondialI, isa itong six-part mini-series na tinatampukan din nina Andrea Garcia, Hershie De Leon, Yen Renee, Tiffany Grey, Alma Moreno, at iba pa.
Nabanggit ni Julia kung gaano siya kasaya sa mga natotoka sa kanyang projects lately.
Aniya, “Sobrang grateful po talaga ako sa mga project na ginagawa ko ngayon o sa mga project na ibinibigay sa akin.
“Like rito po sa LLD (Lovely Ladies Dormitory)… actually, happy and grateful po ako dahil binigyan ako ng chance at tiwala para gumanap na isa sa mga bida ng LLD na mapapanood na po sa December 18. Sure ako na kaabang-abang po ito,” nakangiting wika ni Julia.
