Joey pagpipinta at pagsusulat ang pinagkaabalahan noong kasagsagan ng pandemic

COOL JOE!
ni Joe Barrameda

NAALIW naman kami kay Joey de Leon nang makipagtsikahan ito sa preskon ng My Teacher kasama sina Toni Gonzaga, Carmi Martin at marami pang iba. 

Sa tagal ng panahon dahil sa pandemic ay nakulong sa bahay si Joey at ang mag-painting at magsulat ang pinagkaabalahan niya although lumalabas sila dati sa Eat Bulaga via zoom komo seniors na sila ni Tito at Vic Sotto.

Pero ngayong unti-unti nang bumabalik sa normal ay nakakapag-live na sila sa Bulaga.

Sa pelikulang My Teacher ay magkasama sila ni Toni na dati ay kasama niya sa Eat Bulaga noong early years pa ng aktres sa showbiz. Kaya hindi tinanggihan ni Joey si Toni . Baby daw kasi nila si Toni noon sa Bulaga at masakit sa kalooban ni Joey ang paglipat nito.

Ang My Teacher ay mukhang magaang panoorin na makakapag-relax sa mga manonood at kasama pa sa movie ang magsing-irog na si Ronnie Alonte at Loisa Andalio. Ang asawa ni Toni na si Paul Soriano ang director ng movie.