Sen. Imee nagritwal ng Atang sa Paris!

ALAM MO NA!
ni Nonie Nicasio

DADALHIN ni Senadora Imee Marcos ang kanyang vlog followers sa isang Parisian adventure ngayong weekend sa super back-to-back episodes na ipapakita, ang katatapos na pagbisita niya sa French capital.

Una, binisita ni Imee ang sikat na Pére Lachaise Cemetery, na libingan ng ilan sa greatest thinkers at artists ng mundo na ang ambag sa siyensiya, politika, at sining ay talaga namang nakaimpluwensiya sa Filipinas.

Doon, ginawa ng Ilocana lawmaker ang Atang – isang Ilokanong ritwal ng food offering upang mapalayas ang masasamang espiritu – nagbigay din siya ng alay para sa mga yumaong icons na nakalibing sa Pére Lachaise.

Binisita ng Senadora ang mga puntod ng Italian composer na si Giochino Antonio Rossini na kilala para sa kanyang operas at chamber music; ng architect na si Georges-Eugéne Haussmann na ama ng urban planning; ng French romantic artist na si Eugéne Delacroix; ng French novelist na si Honoré de Balzac na isa sa mga paboritong literary writers ng dating Pangulong si Ferdinand Marcos Sr.; ng French painter na si Théodore Gericault; ng American singer na si Jim Morrison; ng French playwright na si Moliére; at ng Irish playwright at poet na si Oscar Wilde.

Nagbigay din ang budget-conscious na Dakilang Ilokana ng tips kung paano i-enjoy ang City Of Lights nang hindi masyadong gumagastos sa kanyang pag-ikot sa pinakamurang vintage shops at budget-friendly restaurants at cafés ng Paris at pati na rin ang magagandang landmarks nito.

Tunghayan ang kagandanhan ng Paris sa pamamagitan ng mga mata ni Imee Marcos ngayong weekend at mag-subscribe sa https://www.youtube.com/c/ImeeMarcosOfficial/featured.