HATAW! D'yaryo ng Bayan hatawtabloid.com
INARESTO ang isang lalaking nakatala bilang Rank no. 1 most wanted person (MWP) ng Southern Leyte ng mga tauhan ng CIDG RFU 3 sa pamumuno ni P/Col. Joshua Alejandro nitong Martes, 6 Disyembre, sa bayan ng Marilao, lalawigan ng Bulacan.
Kinilala ni CIDG Director P/BGen. Ronald Lee ang suspek na si Alberto Siega, 35 anyos, tubong Taglatawan, Agusan Del Sur at kasalukuyang nagtatago sa Sitio Gulod, Brgy. Sta Rosa II, sa nabanggit na bayan.
Dinakip ang suspek ng mga tauhan ng CIDG PFU Bulacan katuwang ang Bulacan PPO operating unit sa bisa ng warrant of arrest para sa kasong rape alinsunod sa RA 7610 na inilabas at nilagdaan ni Presiding Judge Fabio Albao, Jr., ng Sogod, Southern Leyte RTC Branch 39, may petsang 26 Hulyo 2022 at walang itinakdang piyansa.
Nakapiit ang suspek sa CIDG Bulacan PFU para sa nararapat na disposisyon at dokumentasyon. (MICKA BAUTISTA)
