Friday , April 4 2025
High-rise housing projects BLISS

High-rise housing projects tugon sa kakapusan ng disenteng tirahan

IKINOKONSIDERA ng pamahalaan ang pagtatayo ng high-rise housing o matataas na yunit ng pabahay upang matugunan ang kasalukuyang backlog at makahabol sa tumataas na pangangailangan para sa disenteng tirahan.

Sinabi ni Pangulong Ferdinand R. Marcos Jr., sa kanyang talumpati sa ceremonial turnover ng mga house and lot units mula sa National Housing Authority (NHA) sa Naic, Cavite kahapon na kulang ng halos 3.5 milyong housing unit noong siya ay senador.

Ngayong nakaupo na siya bilang pangulo, ang kakulangan aniya ng mga housing unit ay nasa 6.5 milyon base sa pagtataya ng gobyerno.

Ayon sa Pangulo, maaaring gayahin ng gobyerno ang BLISS project noong administrasyon ng kanyang ama, nanguna sa pagtatayo ng mid-rise housing units, partikular sa urban areas.

“Ngunit ngayon dahil mahirap na, siguro baka pataasin pa natin. Baka puwede nating itaas hanggang high-rise na. Ngunit pinag-aaralan natin ito siguro case-to-case na ito,” aniya.

Gumagawa aniya ang pamahalaan ng paraan upang maorganisa ang iba’t ibang ahensiya ng pamahalaan  tulad ng local government units (LGUs), Department of Human Settlements and Urban Development (DHSUD), NHA, lehislatura, at pambansang pamahalaan para makahanap ng solusyon sa dumaraming pangangailangan ng bansa para sa karagdagang mga silungan.

               Inatasan din ng Pangulo ang NHA na ipagpatuloy ang pagtupad sa mandato nito at tiyaking mabibigyan ng kabuhayan ang mga pamilyang pinagkakalooban ng mga bagong tahanan.

“Patuloy ninyong pagtibayin ang pakikipag-ugnayan sa mga kaakibat na ahensiya, mga lokal na pamahalaan at mga pribadong organisasyon. Hangarin natin na matiyak na may sapat na suporta ang lahat ng mga benepisaryo ng mga bagong tirahang ito,” sabi ni FM, Jr.

At para matiyak ang kaligtasan ng mga tatanggap, hiniling ng Pangulo sa ahensiya na magtayo ng mga pabahay na sapat ang tibay upang makayanan ang banta ng mga natural na kalamidad.

Ang mga bagong housing unit ay magsisilbing tahanan ng halos 30,000 pamilyang Filipino ngayong Pasko habang pinangunahan ng Pangulo ang ceremonial turnover ng mga house and lot units kahapon mula sa NHA, na sabay-sabay na isinagawa sa buong bansa.

Sa pagharap sa mga benepisaryo, hiniling ng Pangulo na pangalagaan at pahalagahan ang kanilang mga bagong tahanan at tumulong sa pagpapabuti ng kanilang bagong komunidad.

Hiniling din ni Pangulong Marcos ang kooperasyon ng LGU at pribadong sektor upang matiyak ang kagalingan ng mga benepisaryo sa kanilang bagong kapaligiran. (ROSE NOVENARIO)

About Rose Novenario

Check Also

Benhur Abalos Jr

Abalos bitbit ng Liga ng mga Barangay sa Pilipinas

OPISYAL nang inendoso ng Liga ng mga Barangay sa Pilipinas (LNB) ang kandidatura ni dating …

Bulacan Police PNP

Crackdown ng Bulacan PNP laban sa krimen, walong pugante at isang tulak nasakote

SA WALANG tigil na anti-criminality operations, naaresto ng pulisya ang kabuuang siyam na indibidwal na …

PNP PRO3

Mga insidente ng krimen sa Central Luzon, bumaba ng 19.37%

INIULAT ng Police Regional Office 3 (PRO3) ang pagbaba sa mga insidente ng krimen sa …

Bulacan DOH-CLCHD IMPACT Awards

DOH-CLCHD, kinilala ang mga programa ng Bulacan para sa infectious diseases

KINILALA ng Department of Health-Central Luzon Center for Health Development (DOH-CLCHD) ang mga pagsisikap ng …

Ayuda mula sa gobyerno mahalaga pero mamamayan ‘di dapat umasa — Pamilya Ko Partylist

Ayuda mula sa gobyerno mahalaga pero mamamayan ‘di dapat umasa — Pamilya Ko Partylist

NANINIWALA si Pamilya Ko Partylist (PKP) 1st Nominee Atty. Anel Diaz na malaki ang naitutulong …