Friday , April 4 2025
Bongbong Marcos Santa Claus Malacañang

FM Jr., nag-Santa Claus sa 600 bata sa Malacañang

MAY 600 batang nakatira sa mga komunidad sa paligid ng Malacañang complex sa San Miguel, Maynila ang  tumanggap ng mga aginaldo mula kay Pangulong Ferdinand R. Marcos, Jr., sa Malacañang kahapon ng umaga.

May temang “Balik Sigla, Bigay Saya,” pinangunahan ni FM Jr., ang nationwide gift giving activity sa Kalayaan Grounds sa Malacañan Palace, kasama si First Lady Louise “Liza” Araneta-Marcos.

Sa kanyang talumpati, binati ni FM Jr., ang mga bata ng isang Maligayang Pasko at sinabing inilunsad ang aktibidad upang matiyak na ang bawat bata ay mararanasan ang pagdiriwang ng kapaskuhan.

“Napakasaya talaga at hindi kompleto ang kahit anong Pasko kung hindi natin nakikita ang ngiti at tuwa ng ating mga anak, ang ating mga apo, ang ating mga kabataan,” aniya.

“This is a very, very happy day for me dahil tradisyon ito dati pa, dito sa Palasyo. Gumagawa kami ng children’s party ‘pag Pasko para naman lahat nakasiguro tayo lahat ng ating kabataan sa buong Filipinas ay merong Pasko, may konting party, may konting gift-giving, may konting palaro, at lahat ‘yan,” dagdag niya.

Sabay-sabay na ginanap ang aktibidad ng pagbibigay ng regalo sa halos 40 lokasyon sa buong bansa.

Ang mga regalong natanggap ng mga bata ay ibinigay ng mga pribadong negosyo, at mga ahensiya ng gobyerno kabilang ang Office of the President, Department of Health, Department of Social Welfare and Development, Philippine Charity Sweepstakes Office, at ang Philippine Amusement and Gaming Corporation.

Sa bakuran ng Malacañang, ang mga inflatables at iba pang mga aktibidad sa paglilibang ng mga bata ay itinayo.

Kinanta rin ng mga bata ang “O Holy Night” at sinamahan sila ng First Couple.

Noong Sabado, pinangunahan ni FM Jr., ang Christmas tree lighting ceremony sa Malacañang, at inihayag na nananatiling pinagpala ang mga Filipino sa kabila ng mga paghihirap na dinanas ng bansa dahil sa COVID-19 pandemic. (ROSE NOVENARIO)

About Rose Novenario

Check Also

Pagkakaisa panawagan ni Revilla

Pagkakaisa panawagan ni Revilla

NANAWAGAN si re-electionist Senator Ramon “Bong” Revilla, Jr., ng pagkakaisa sa gitna ng kinahaharap na …

Pamilya Ko Partylist inendoso sa Maynila

Pamilya Ko Partylist inendoso sa Maynila

INENDOSO at suportado nina Manila running councilor Pau Ejercito at Malou Ocsan ang Pamilya Ko …

Shamcey Supsup-Lee

Shamcey-Lee para sa Konseho sa Pasig, dinagsa ng suporta

LUMALAWAK ang suporta ng  kababaihan sa kandidatura  ni Shamcey Supsup-Lee bilang kinatawan ng unang distrito …

MNL City Run Presents Elorde The Flash Run 2025 – Run Like A Champ FEAT

MNL City Run Presents: Elorde The Flash Run 2025 – Run Like A Champ

Unleash Your Inner Champion, Run for a Cause! Get ready to lace up, push your …

Alas Pilipinas Maganda ang simula sa AVC Beach Tour

Alas Pilipinas Maganda ang simula sa AVC Beach Tour

NAGSIMULA ng maganda ang Pilipinas sa Rebisco Asian Volleyball Confederation (AVC) Beach Tour Nuvali Open …