HATAW! D'yaryo ng Bayan hatawtabloid.com
ALAM MO NA!
ni Nonie Nicasio
NAGKAROON ng victory presscon recently para kay Rey Paolo Ortiz dahil itinanghal siyang Prince Tourism Universe 2022. Ang naturang pageant ay ginanap sa Sabah, Malaysia.
Si Rey Paolo ang bunso nina Dra. Jen and Forensic Doc. Paul Ed Ortiz na siyang may-ari ng sikat na Ortiz Group of Skin Clinic. Ang isa pa nilang anak na present sa event, ay si King Paul.
Masuwerte sila sa pagkakaroon ng supportive na parents.
Ibinihagi ni Rey Paolo ang experience niya sa Malaysia. “It was exciting and a nice debut for a career in showbiz, over-all it was fun.
“Maybe, magiging stepping stone ko ito sa career sa showbiz,” pahayag niya.
Sino ang hinahangaan niya sa showbiz? “Sa mga aktor, si Daniel Padilla po, kasi he is really good at acting, at tama po ang emotions na ipinapakita niya,” sambit ni Rey Paolo na mayroong sariling banda at may talento sa pagda-drums.
Incidentally, kapuri-puri ang gesture ni Rey Paolo nang ibinahagi o ibinigay niya ang half ng cash price na $2000 sa kanyang co-candidates at kalahati naman ay sa organization na sumusuporta sa Tourism Ambassador Universe.
Pinapurihan din ni Ayen Cas ng Aspire Magazine si Rey Paolo, “He is one of the most… actually he’s the most intelligent kid during the competition. He initiated and talk about the tourism which impacts the economy here in the Philippines and abroad.”
Si Ayen ang nagdala kay Rey Paolo para sumali sa naturang contest sa Malaysia.
Pinasalamatan ng Ortiz family sina Ayen Cas, Supremo ng Dance Floor and actor na si Klinton Start, at model na si Rajan Paguio na nag-train kay Rey Paolo sa Q and A, talent, at ramp modelling.
Matapos ang victory presscon, nagkaroon naman ng pagrampa sa naturang event.
