HATAW! D'yaryo ng Bayan hatawtabloid.com
ALAM MO NA!
ni Nonie Nicasio
PALABAS na ngayong December 2 sa Vivamax ang pelikulang Bata Pa Si Sabel na tinatampukan ni Micaella Raz .
Biktima ng karahasan dito si Micaella mula sa mga taong mayayaman at makapangyarihan. Kaya minarapat niyang maghiganti upang makamit ang sariling hustisyang minimithi.
Nabanggit ng aktres ang kinaharap na challenge habang ginagawa ang kanilang pelikula.
Kabilang dito ang pagsabak ng aktres sa matitinding fight scene at madugong action scenes.
Pahayag ni Micaella, “Medyo nahirapan ako sa training at saka sa pagtuturo sa akin ni Tito Julio roon sa eksena. Kasi, talagang bugbog ang katawan ko roon, kaya ayaw ko rin nang nagpapa-double, gusto ko ay ako iyon.
“Parang… gusto kong maramdaman talaga si Sabel, kaya ayaw kong magpa-double. Mahirap din po, pero napadali naman ng buong Centerstage productions.”
Ano ang na-realize niya matapos mapanood ang kanilang pelikula?
Sambit ni Micaella, “Ako po ang na-realize ko after watching Bata Pa Si Sabel, hindi lahat ng kaibigan mo ay totoo sa iyo. Hindi lahat ng taong nakaharap sa iyo ay mapagkakatiwalaan mo, dahil minsan ay sila pa ang magbe-betray sa iyo.”
Ang Bata Pa Si Sabel ay mula sa pamamahala ni Direk Reynold Giba, na created naman ni Direk Brillante Mendoza.
Tampok din dito sina Gardo Versoza, Katya Santos, Angela Morena, Benz Sangalang, Julio Diaz, JC Tan, Rey Abellana, Stephanie Raz, Rash Flores, at iba pa.
