Sa Abucay, Bataan
HVT ARESTADO

MATAPOS ang dalawang-buwang surveillance, dinakip sa bisa ng warrant of arrest, ng mga anti-narcotic operatives sa pangunguna ng PDEA Bataan Provincial Office ang isang lalaking nakatala bilang isang high value target (HVT) sa bayan ng Abucay, lalawigan ng Bataan, nitong Sabado ng tanghali,  26 Nobyembre.

Kinilala ang nasakoteng suspek na si Ishad Dela Fuente, 38 anyos, residente sa Dela Fuente St., Brgy. Gabon, sa nabanggit na bayan.

Sa ulat mula sa PDEA Team Leader, si Dela Fuente ay nasa kanilang radar simula pa noong Setyembre kasunod ang tip mula sa isang concerned citizen ng nabanggit na barangay.

Nakompiska ng mga operatiba mula kay Dela Fuente ang 104 gramo ng hinihinalang shabu na tinatayang nagkakahala ng P707,200; apat na sachet ng hinihinalang shabu na may timbang na tiglimang gramo at nagkakahalaga ng P24,000; at isang cellphone.

Ikinasa ang operasyon ng magkasanib na puwersa ng PDEA Bataan, PDEA Bataan Seaport Interdiction Unit, Bataan PPO-PPDEU, Abucay MPS at Bataan 2^nd PMFC.

Nakatakdang sampahan ng kasong paglabag sa RA 9165 o Comprehensive Dangerous Drugs Act of 2002 ang suspek. (MICKA BAUTISTA)