Kasunod ng pagsabog sa Sta. Maria, Bulacan
RANDOM INSPECTION SA MGA MANGGAGAWA, MANGANGALAKAL NG PAPUTOK INIUTOS

MAHIGIT isang buwan bago ang pagdiriwang ng Pasko at Bagong Taon, ipinag-utos ni P/BGen. Cezar Pasiwen, PRO3 Regional Director, na magsagawa ng random inspection sa mga manggagawa at mangangalakal ng paputok kasunod ng nakaraang pagsabog sa Sta. Maria, Bulacan.

Ipinahayag ni P/BGen. Pasiwen, ang pakikipag-ugnayan sa local government units ay kanilang isinagawa upang matiyak na lahat ng mga kinakailangan batay sa utos ng PNP ay nasusunod bago ang pag-iisyu ng mga permit sa mga manggagawa at mangangalakal ng paputok at iba pang pyrotechnic devices upang maiwasan ang mga sakuna sa mga lugar ng pagawaaan at maiwasan ang pagkakaroon ng pinsala o pagkasawi ng mga manggagawa.

Dagdag na pahayag ni P/BGen. Pasiwen, “We will also conduct on-site inspection and confiscation of prohibited firecrackers in public markets. At the same time, we continuously appeal to everyone to refrain from using illegal firecrackers to avoid injuries. Instead of firecrackers, we could all enjoy the Holidays with other forms of merriment.” (MICKA BAUTISTA)