HATAW! D'yaryo ng Bayan hatawtabloid.com
MATABIL
ni John Fontanilla
MAY regalo ang sikat na DJ ng Barangay LSFM 97.1 na Mr Love Song Papa Obet sa kanyang mga tagahanga at ito ang kanyang bagong Christmas Song na Regalo under GMA Music.
Naging inspirasyon ni Papa Obet para masulat at mabuo ang kanta ng mga taong miss na miss na ang kanilang mga mahal sa buhay o nasa malayong lugar.
Ani Papa Obet, ang regalo ay hindi lang sa materyal na bagay, kundu sa presence ng mga mahal sa buhay.
Bukod sa paggawa ng sarili niyang mga kanta, gusto rin ng Barangay LS Forever DJ at GMA Music artist ang makapagsulat ng kanta para sa iba pang mga artist.
Si Papa Obet ang gumawa ng radio jingle ng Barangay LS na Tayo Ay Forever, na kinanta nina Ken Chan at Rita Daniela.
Available na ang kantang Regalo ITunes, Spotify at sa iba pang online streaming app.
