Tuesday , February 25 2025
Lunod, Drown
Lunod, Drown

Sa Sta. Maria, Bulacan
BANGKAY NG BINATANG NALUNOD SA ILOG NATAGPUAN NA

MAKALIPAS ang dalawang araw na paghahanap, natagpuan ng mga awtoridad nitong Martes ng umaga, 1 Nobyembre, ang bangkay ng isang binatang nalunod sa ilog sa bayan ng Sta. Maria, lalawigan ng Bulacan, noong Linggo ng hapon, 30 Oktubre.

Ayon kay Konsehal Jess De Guzman ng Sta.Maria at siyang nanguna sa isinagawang search and retrieval operation, dakong 9:30 am kahapon nang matagpuan ang bangkay ng biktimang kinilalang si Dave Roldan Constantino, 19 anyos, residente sa Brgy. San Jose Patag, sa naturang bayan.

Natagpuan ang inaanod na bangkay ng biktima sa bahagi ng Paso Bagbaguin, halos tatlong kilometro ang layo, kung saan siya nalunod sa tulay ng Macaiban.

Sa ulat mula sa mga tauhan ng Sta. Maria MPS, dakong 2:00 pm noong Linggo nang tangkain ng biktima at tatlong kasama na tawirin ang Macaiban Bridge ng Sta. Maria River na noon ay nakalubog sa baha ngunit sinawing palad na siya ay matangay ng malakas na agos sa ilog.

Tinangkang sagipin ng mga kasama at ilang residente sa lugar ang biktima ngunit hindi na nila nagawa pa hanggang tuluyang lamunin sa malalim na bahagi ng ilog at tuluyang mawala sa kanilang paningin.

Dalawang araw na nagtulong-tulong ang mga tauhan ng Sta. Maria MDRRMO, Sta. Maria MPS, Philippine Army, at Philippine Coast Guard sa paggalugad sa bahagi ng Sta. Maria River hanggang matagpuan ang labi ng biktima. (MICKA BAUTISTA)

About Micka Bautista

Check Also

cal 38 revolver gun

Pasaway sa gunban tiklo sa buybust

INARESTO ng mga awtoridad ang isang indibidual sa isinagawang gun buybust operation sa Brgy. Lambakin, …

Arrest Shabu

2 HVI , 4 pa timbog sa Bulacan at Nueva Ecija droga, armas nakumpiska

MATAGUMPAY na nasamsam ng Police Regional Office 3 (PRO3) ang malaking halaga ng hinihinalang ilegal …

NO SHADES vs POLITICAL DYNASTIES (Balota protektahan)

Boto at balota protektahan
‘NO SHADES’ vs POLITICAL DYNASTIES

ni TEDDY BRUL ‘NO SHADES’ sa balota ang panawagan ng militanteng organisasyong Socialista o katumbas …

JV Bautista Ariel Querubin Mison

Party-list system ‘corrupted’ na — JV Bautista

ni NIÑO ACLAN DESMAYADO si United Nationalist Alliance (UNA) Secretary General JV Bautista dahil taliwas …

Ara Mina Dave Almarinez Turismo Partylist

Ara Mina at Turismo Partylist nominees mainit na tinanggap sa Davao Oriental

SHOWBIZ KONEKni Maricris Valdez Nicasio BUMISITA sa Davao Oriental ang tinaguriang “Turismo Beauty” at ambassador …