ALAM MO NA!
ni Nonie Nicasio
TAMPOK sina Quinn Carrillo at Rob Guinto sa Vivamax movie na pinamagatang Showroom.
Mula sa pamamahala ni Direk Carlo Obispo, ang pelikula ay isang sexy-drama movie na ayon kay Quinn, sumasalamin sa reyalidad na nagpapakita kung ano ang magagawa ng mga tao, kapag nasa sitwasyon na gipit na gipit at animo desperado nang makamit ang mga minimithing pangarap sa buhay.
Bukod sa isa sa lead casts nito, si Quinn din ang sumulat ng Showroom.
Inusisa namin ang aktres/writer sa papel na ginampanan niya sa pelikula?
Esplika ni Quinn, “Ang ipino-portray kong papel ay si Liezel, isa po akong condo sales agent na kayang gawin ang lahat, makamit lang ang gusto niyang luxury life. So, abangan po natin kung ano ang mga gagawin niya, para lang makuha ang buhay na gusto niya.”
Sa movie bang ito, gusto niyang ang mas mapansin ay ang acting o performance nila sa pelikula, kaysa mga sexy scenes dito?
“Yes po, feeling ko naman in this film, hindi naman din magfo-fcus lang talaga sa mga intimate scene. Although marami, pero ‘yung execution talaga ni direk Carlo ay magfo-focus ka po talaga sa story, rather than intimate scene.
“And lahat naman po ng mga sexy scenes na ginawa namin is very related to the story, kailangan po talaga sa mismong eksena at hindi iyong mga tipong basta inilagay lang sa pelikula.
“So I think, it will work, sobrang ma-a-appreciate ng viewers ang story and the actors, rather than the intimate scene itself,” sambit ni Quinn.
Ang pelikula ay mula sa 3:16 Media Network ni Ms. Len Carrillo at ng Viva Films. Kasama nila rito sina Kit Thompson, Emilio Garcia, Paolo Rivero, AJ Oteyza, Itan Rosales, Nico Loco, AC Carrillo, at iba pa.