2 bata patay sa sunog

DALAWANG BATA ang namatay matapos tupukin ng apoy ang kanilang bahay sa Valenzuela City, kahapon ng umaga.

Kinilala ni Valenzuela City Fire District Director F/Supt. Anamie Legaste, ang magkapatid na sina  si Jhenea Macey Eucacio, 9 anyos, at ang kanyang kapatid na si Jeana Cassy, ay napaulat na na-trapped sa loob ng kanilang nasusunog na bahay sa Urrutia St., Brgy. Gen. T. De Leon.

Sa ulat, dakong 8:00 am, nang biglang sumiklab ang sunog sa dalawang palapag na bahay ni Marilen Manuel, tiyahin ng mga biktima, at mabilis na kumalat ang apoy sa katabing bahay ni Lenie Rose Eucacion, ina ng mga biktima.

Ani F/Supt. Legaste, umabot ang sunog sa ikalawang alarma bago tuluyang naapula ng mga tauhan ng pamatay sunog dakong 8:44 am.

Patuloy ang follow-up investigation ng Arson investigators upang matukoy kung ano ang pinagmulan ng sunog habang inaalam kung magkano ang halaga ng ari-ariang natupok sa sunog. (ROMMEL SALES)