HATAW! D'yaryo ng Bayan hatawtabloid.com
ALAM MO NA!
ni Nonie Nicasio
PALABAN sa pagpapa-sexy si Julia Victoria, isa sa bida sa Vivamax six-part mini-series na pinamagatang Lovely Ladies Dormitory.
Mula sa pamamahala ni Direk Mervyn Brondial, tampok din sa serye sina Andrea Garcia, Hershie De Leon, Yen Renee, Tiffany Gray, Alma Moreno, at iba pa.
Ito ay kuwento ng limang babaeng may iba’t ibang pagkatao, prinsipyo at pangarap. Panoorin kung paano nila susuportahan ang isa’t isa sa pagharap sa hamon ng buhay, sa pag-ibig, sa pamilya, at sexual escapades bilang mga sexy at lovely ladies sa makabagong panahon.
Gumaganap dito si Julia, bilang si Stella, isang nursing graduate na nagre-review para sa NCLEX at LET, matalino, matapang at goal-oriented. Plano niyang magpraktis ng nursing sa ibang bansa pagkakuha niya ng lisensiya.
Kuwento ni Julia, “Ako po ang gaganap na nurse sa Lovely Ladies Dorm, you can expect me na bigay-todo kong gagampanan ang sexy role ko roon… Ako kasi rito ay isang nurse na mahiyain, pero nasa loob ang kulo.
“Kaya wild ang kalalabasan ng mapapanood nila sa akin, so, dapat nilang abangan ang seryeng ito ng Vivamax.”
Pagdating naman sa limitations niya sa pagpapa-sexy, ito ang tinuran ng magandang tisay na newcomer na alaga ni Lito de Guzman, “Wala po akong limitations sa pagpapa-sexy. Okay lang maghubad basta may plaster lang po, basta kung ano ang makagaganda sa movie ay go po ako,” nakangiting pahayag ni Julia.
Anong mangyayari kapag pinagsama-sama ang limang magagandang babae sa iisang bubong? Puno ng drama, riot sa kaguluhan, at punong- puno ng kaseksihan.
Abangan ang bagong series na pagbibidahan ng limang sexy actresses na siguradong mang-aakit sa lahat ng manonood, malapit na sa Vivamax.
