HATAW! D'yaryo ng Bayan hatawtabloid.com
ALAM MO NA!
ni Nonie Nicasio
ANG mayor ng Nunungan, Lanao del Norte na si Marcos Mamay ay nahalal unanimously bilang League of Municipalities of the Philippines (LMP) national vice president for external affairs noong Sept. 29 sa Metrotent Convention Center sa Pasig City.
Si Mayor Joseph Bernos ng La Paz, Abra ang nahalal bilang president. Ang bagong set ng LMP officers with a term from 2022 to 2025 ay nanumpa kay President Ferdinand “Bongbong” Marcos, Jr., noong Sept. 30 sa Malacañang.
Maraming proyekto si mayor, isa na rito ang i-promote ang turismo, nabanggit niyang kailangan na kasabay nitong maayos ang peace and order. Proud naman niyang nabanggit na stable ang peace and order sa kanyang nasasakupan.
Nalaman namin na siya rin ang Executive Adviser ng Actor’s Guild of the Philippines.
Pahayag ni Mayor Mamay, “Ako naman hindi naman sa pagyayabang, as an Executive Adviser of Actor’s Guild of the Philippines, advantage sa akin iyan. Kasi from time to time ay dinadala ko ang mga artista roon sa amin, kaya kahit paano naipo-promote rin kung ano ang mayroon kami, like sina Ken Chan, Teejay Marquez, Ahron Villena at iba pa.
“Yes, puwede naming i-offer sa mga gumagawa ng pelikula itong Lanao.”
Kaabang-abang ang gagawing life story ng masipag na public servant na planong pamahalaan ni Direk Neal Buboy Tan.
Wika ni Mayor Mamay, “Magpo-produce po tayo ng two or three movies. In fact, uunahin namin iyong title na Lanao, that is partly… parang life story ko po ito. Doon po isu-shoot iyan, karamihan ay sa Nunungan, Lanao del Norte.
“Isa po sa nakikita naming gaganap dito ay si Gabby Concepcion, with Sanya Lopez, si Ken Chan din, at iba pa.”
May special participation ba siya sa pelikulang tatampukan ni Gabby?
“Possible po,” nakangiting pakli ni Mayor Mamay.
Ang isa pang posibleng gawing pelikula ni Mayor Mamay ay ang tatampukan ng kaibigan niyang si Senator Robin Padilla.
