HATAW! D'yaryo ng Bayan hatawtabloid.com
ALAM MO NA!
ni Nonie Nicasio
SI Kate Hillary Tamani ang pambato ng Filipinas sa Little Miss Universe 2022 na gaganapin sa Dubai sa October 25 – 30, 2022.
Si Kate ang eldest daughter nina Mr. Romeo Tamani II and Mrs. Lenelyn Tamani. Siya ay 8 years old, Grade 3 student sa St. Rose of Lima at Manila Cathedral School. Dream daw ni Kate na maging isang doktor, someday. Gusto rin niyang pumasok sa showbiz at maging artista.
Ngayon ay puspusan ang training na ginagawa ni Kate sa tulong ng kanyang very supportive dad, para makatiyak na maiuuwi niya ang korona.
May talent portion ba rito? Sagot nang napakabibang si Kate, “Opo, may talent portion po rito, iyong talent ko po na gagawin is dancing po, kasi masaya po ako kapag nagda-dance like ‘yung mga Tiktok po.”
Sino ang kanyang paboritong Filipina beauty queen na ina-idolize talaga niya?
Aniya, “Si Catriona Gray po, kasi po sobrang galing po niyang maglakad, ang ganda-ganda po niya, pati ‘yung mga gown niya ang gaganda po.”
Kasamang magtutungo ng Dubai ni Kate ang reigning Little Miss Universe 2021 na si Marianne Beatriz Bermundo para magsalin ng korona sa mananalong Little Miss Universe.
Ano ang payo ni Marianne kay Kate?
“Be yourself and never give up, kasi if you will be yourself, kaya mong gawin ito with more actions and your personality, hindi ka mahihirapang magampanan ang pagiging Little Miss Philippines Universe if you just be yourself, ” sambit ni Marianne na puwedeng-puwedeng pumasok din sa showbiz dahil sa taglay niyang beauty.
Ipinahayag ni Ayen Cas ang suporta niya sa mga pambato ng Filipinas. “My support to the kids, I know the culture of pageantry… I’ve been doing grand fairy tales since I was in Shaw Boulevard. Sa ngayon po nagpa-practice kami ng question and answer,” saad ni Ayen.
